منتديات مملكة الحب


    ابشتكيك دامك اعز الاصحاب .. شكوى جريح يبتسم في ونينه .. روايه واقعيه .. رومانسيه ..

    شاطر
    avatar
    نار الظلام
    مشرف منتدى السيارات
    مشرف منتدى السيارات

    عدد الرسائل : 779
    تاريخ التسجيل : 01/04/2008

    default ابشتكيك دامك اعز الاصحاب .. شكوى جريح يبتسم في ونينه .. روايه واقعيه .. رومانسيه ..

    مُساهمة من طرف نار الظلام في الخميس 08 مايو 2008, 5:52 pm

    ]بسم الله الرحمن الرحيم ..
    لكم اولى كتاباتي .. روآية .. ][ ابشتكيلك دامك اعز الاصحاب ..شكوى جريح يبتسم في ونينه][

    فـ البداية .. نتعرف على الشخصيات .. طبعا بدايه بسيطه جدا .. و ماراح اكمل الا اذا قلتو لي رايكمـ..
    عائلة بو بندر ..:
    (( بو بندر )) : رجل في الاربعينيات من عمرهـ .. ذو هيبة جدَي .. مايحب المزح الا نادر .. عنده 3 اولاد .. وبنت وحدهـ..
    (( ام بندر )) : امرأهـ لا تهتم الا بنفسها وشخصيتها ومظهرها امام الناس .. لا يهمها زوجها او ابناءها .. وضعت اهتمامها كليا .. لمكانتها و نفسها العزيزهـ عليها .. تبلغ من العمر 39..
    (( بندر )) : الابن الاكبر .. عمره 22 سنة .. يحب الفرفشه و التغيير .. مطنش الجامعه ودراسته .. يعشق شي اسمه " سفر "
    (( عبد الله )) : الابن الاوسط .. 20 سنة .. طيب على نياته .. اهم شي عنده الوصول الى طموحه ..
    (( طلال )) : اصغر اخوانه انسان يحب الاستهبال والمقالب مجنن امه وابوه عمره 19 سنه .. عنده غموض فـ شخصيته .. على خفة دمه و مرحه ..
    (( ديما )) : بنوتة صغيره .. عمرها 18 سنة .. دلوعة ابوها .. واخوها عبد الله .. انسانه عمليه .. ماتحب تختلط بالفوضى والناس كثير .. طموحها انها تدرس بالخارج ..
    ..........,..........
    عائلة بو سلطان ..
    (( بوسطان )) : رجل اعمال منصبه كبير بين التجار والشركات .. حنون وعنده ولد وبنتين.. يكون اخو ام بندر ..
    (( ام سلطان )) : مرأة طيبه حنونه جدا .. شفافه .. مدلله عيالها بشكل شخصيتها هادئه ..
    (( سلطان )) : ولدهم الوحيد.. عنده انواع الوناسه والفسقه مايحب دلع البنات و حركاتهم .. " النوم " اهم حاجه بحياته .. شعاره في الحياة .. " طنش .. تعش .. تنتعش " عمره 20 سنه ..
    (( مشاعل )) : اكبر اخوانها انسانه متكبره ماهي بشايفه حد .. مغرورة لابعد درجة عمرها 23سنه .. مسميه لولد جيرانهم ..
    (( شوق )) : هي صغيرتهم .. متفوقه بدراستها عكس اختها .. عمرها 18 سنه تحب تمزح دايم .. مميزة بين الكل بخفة دمها وبرائتها .. انسانه حبوبه واجتماعيه ..
    .........,..............
    عائلة بو سامي ..
    (( بو سامي )) : انسان طيب بالحيل على نياته .. حالته الماديه متوسطه .. حبوب بين الكل .. يحب اولاده بشكل ماحد يتصوره .. و يوفر لهم الي يبونه .. حتى لو ماهو قد استطاعته .. عنده ولدين وبنتين .. يكون اخو بو بندر ..
    (( ام سامي )) : ام انانيه لا يهمها سوى نفسها .. ماتستمع لـ حد من ابنائها الا ابنها الكبير وبنتها الكبيره .. تعزهم بشكل محد يتصوره .. اذا احد من عيالها كلمها .. تقاطعه .. وتبدا بدوامتها الي ماتخلص ..
    ماتحب تسافر لمكان .. تحب اهلها واخوها بالحييل .. لدرجة انها تعز اخوها اكثر من عيالها .. عندها اخوين ..
    (( سامي )) : ولدهم الكبير .. عمره 24 سنه .. متخرج من الجامعه .. يدرس .. بـ الشرقيه .. بعيد عن اهله الي بالرياض ..
    (( طيف )) : بنتهم الكبيره .. عمرها 19 سنه .. طيبه اخذت من صفات ابوها .. جميله جدا .. وخجوله .. وحساسه ..
    بسنه اولى جامعه ..
    (( جودي )) : اصغر من اختها بسنه .. عمرها 18 .. بسنة ثالث ثانوي .. من سن بنت عمها .. ديما هي وديما خويات من الطفوله .. ومعاهم شوق بعد .. شخصيتها .. نفس ابوها بالظبط .. في الشكل والاخلاق .. حتى بمشيتها .. تحاول انها تقلده .. فـ مشيته .. ماتحتك كثير مع امها .. لانها ماتقدر عليها ..
    (( احمد )) : اخوهم الصغير .. دبدوب شوي .. عمره 13 سنه .. خفيف دم .. لكنه مطيري .. مايحتك بامه كثير .. هو اقرب لابوه ..
    ......,.......
    " باقي شخصيات الى الان لم يسلط عليهم الضوء .. "
    ...,...
    جالسة بغرفتها .. الساعه 9 الصباح .. اليوم خميس مافي دراسة .. ناظرت في كوب قهوتها الداكنه .. الي بردت .. من زمان وهي جالسة تفكر .. كانت جالسة على مكتبها المقابل للنافذهـ .. اشعة الشمس معكوسه على غرفتها وعلى وجهها الابيض الناعم .. وعيونها الوساع ذات الرموش الطويله .. ارتشفت من كوبها رشفه .. وهي تفكر بالموقف الي صار لها مع بنت خالها .. " مشاعل " .. كيف بتتصرف معها .. هذي عادي عندها أي شي .. ماستغرب منها تسويها ..
    ..:- ديمااا ديما ..
    سمعت صوت اخوها يفتح الباب بدفاشه .. ويناديها ..: ممكن ادخل ..
    حطت كوب قهوتها على الطاوله .. وتاففت .. مالها خلق أي شي .. : يعني انت الحين مادخلت .. اخلص علينا وش بغيت ...
    طلال قفز على السرير ..: اخبارك يا حلووه ..
    ناظرته ديما بابتسامه مصطنعه .. : مو زينه دامك قبالي ..
    طلال يمثل العصبيه : اقول يالبزر مو تقعدي تناظريني كذا .. قومي امك تبغاك ..
    قامت ديما .. وهي مكرهه من حركة مشاعل السخيفه ... : اففف..
    طلال : بزارين اخر زمن هوووووووووووع ..
    مشت ديما بالممر الرخامي .. ببيجامتها الحرير باللون البني الغامق .. عكس لون بشرتها ..
    نزلت من درج القصر المتوسط .. الي يطل على الصاله .. شافت عبد الله اخوها وامها .. جالسن على الطاوله يفطرون .. جلست على الطاوله .. بصمت .. نست الي قال لها طلال .. ونست امها الي تبغاها .. وسرحت في بحر افكارها ..
    " الاسبوع الماضي " .. كانت جالسه مع بنت خالها شوق .. يسولفوا عن تفكيرهم فـ مستقبلهم المجهول .. كانت مشاعل جالسه لحالها .. قريبه منهم .. ماتحب احد ولا تختلط بالناس .. موعاجبها حد ..
    شوق : تعالي مشاعل جلسي معانا .. عندي لك سالفه خطيره ..
    مشاعل " اكتفت انها ناظرتهم باحتقار .."
    ديما : المهم اكمل لكـ.. اقول لك .. والله لو تكوني معاي صدق بالغرفه فـ بريطانيا .. كان شفتي انواع الهبال .. اقولك من الحين .. محجوز السرير اليـ بجنب النافذة خخخ... عشان اتمقل بشباب بريطانيا .. خبرك يا حلوهم شبابهم هناك .. مو مثلنا بس فالحين بالترقم ..
    شوق : أي والله صدقتي .. عاد ماعلينا هناك بنطلع سفورا .. خخخ بيكون الجو عندنا ايزي ..
    سمعت مشاعل كلامهم .. ردت : انتم بترورحون بريطانيا .. وبعد سفور بيطلعون .. هههههه " ضحكت بسخريه " انتم شوفوا لبسكم كيف صاير .. اللهم لا شماته ..
    ديما ماهتمت لكلامها .. متعوده تسمع مثل هالحكي .. كانت لابسه تنوره .. سوداء.. فيها نفشه شوي .. فوق الركبه .. وفيها كلام بالياباني .. لونه فضي .. على جنب.. وبلوزه ثلاثة ارباع .. متدرجه بين الفضي والاسود .. ومخليه شعرها البني الفاتح .. براحته .. وحاطه شبشب لونه اسود على جنب .. " يعني طالعه نعومه "
    اما شوق .. فـ كانت لابسه برمودا .. لونه زيتي وفيه سلاسل على الخصر .. وبلوزه كت لونها وردي فاتح .. فيها كلمة (( سبورت قيرل )) بالزيتي اللامع .. ومخليه شعرها الاسود الطويل كيرلي ورافعته ..
    شوق : ماعليكـ منها .. سخيفه ..
    ديما : ادري و من قالك اني مهتمه لحكيها اصلا .. يعني اول مره ..
    المهم ..
    مشاعل : والله مادري كيف امي تقول بتخطب لك سلطان .. وربي ماتستاهلينه ..
    التفت شوق و فتحت عيونها ع الاخر .. كيف تقول لها .. وامي محرصتها لاتحكين ولا كلمه ..
    اما ديما ماستوعبت .. الصدمه .. اهي .. اهي تاخذ سلطان .. بس كيف و شلون .. و فيصل ولد عمتها .. و شلون وهو من الصغر معاها .. وحاطه كل املها فيه ..
    ...: جالك صمم ..؟
    قطعت حبل افكارها امها الي كانت تناديها وهي سرحانه .. : سوري بس سرحت شوي ..
    ام بندر ..: والله مادري وش عندك هلايام .. على هالسرحان .. الزايد خايفه يكون وراك بلاء ..
    المهم ماعلينا .. ماسالتيني ليه مناديتك .. ؟
    ديما : أي صح .. ليه ؟؟
    ام بندر : اليوم خالتك لطيفه الي معاي بالتوجيه .. عندها زواج ولدها الوحيد .. جاي من استراليا ومسويه له حفله .. لازم تحضرين ..
    ديما " بعد ثواني ردت " : يمـــه لازم اروح معك ..
    ديما اكره ماعندها .. الزواجات والحفلات .. ماتحب الفوضى والازعاج ..
    ام بندر : كلمتي ما اثنيها .. اكيد لازم تحضرين .. شبتقول عنا خالتك لطيفه ..
    ديما خذت التوسته .. تلهي حالها فيها ..
    عبد الله كانت جالس بصمت واهو ياكل .. ماتدخل ولا شارك بكلمه ..
    بنفس القصر الواسع .. بغرفة من غرفه الكبيره .. كان طلال جالس على اللابتوب .. يخربش له كم خربشه بالفوتوشوب..
    احسن له من هالفراغ الي يحس مالي حياته ..
    دق موبايله بنغمة صوت .. ضفادع " تعرفوا مهابيل هذي نغماتهم "
    رفعه شاف بالشاشه ..
    ( ابو الخيل يتصل بك )
    طلال : هلااااااااااا بو الخييل ..
    وليد :اهـ ......

    انتظر اراكم وتوقعاتكم ...


    _________________
    avatar
    الفارس
    مشرف المنتدى الاسلامي
    مشرف المنتدى الاسلامي

    ذكر
    عدد الرسائل : 327
    تاريخ التسجيل : 07/04/2008

    default رد: ابشتكيك دامك اعز الاصحاب .. شكوى جريح يبتسم في ونينه .. روايه واقعيه .. رومانسيه ..

    مُساهمة من طرف الفارس في السبت 10 مايو 2008, 3:07 am

    جزاك الله خيرا

    ويعطيك العافية على القصه الرائعه

    أخوك:.

    الفارس


    _________________



    AlfarisHF@yahoo.com

      الوقت/التاريخ الآن هو الأحد 09 ديسمبر 2018, 5:27 pm